Една опција на WhatsApp наскоро би можела да почне да се полни, а тоа е поради промената што ја најави Google, кој дури и не го поседува WhatsApp. За да се избегне ова, треба да се направи една важна промена.
WhatsApp е бесплатен за користење, што делумно е причината зошто е една од најпопуларните апликации за пораки. Во изминатите години, корисниците на Android верзијата на WhatsApp уживаа во потполно бесплатно искуство, дури и кога станува збор за облак резервни копии на сите нивни разговори.
Резервните копии се важни да се ажурираат за да можете да ги вратите сите ваши разговори ако го изгубите телефонот или ако купите нов мобилен телефон. Можете да ги копирате вашите разговори на Android со поврзување на вашата сметка на Google со WhatsApp.
Досега при правењето резервна копија на ваква содржина не се сметаше како дел од основниот план на Google, кој вклучува бесплатни 15 GB на кои е можно да се складираат содржини од е-пошта, документи и фотографии. Но, од почетокот на 2024 година, тоа се менува.
„Доколку активирате резервна копија на WhatsApp на Андроид, достапна е лична сметка на Google со 15 GB слободен простор – три пати повеќе од повеќето мобилни платформи, споделени со Drive, Gmail и Photos“, објаснуваат од Google.
Така, како што објаснува express.co.uk, ако ви требаат повеќе од 15 GB, ќе треба да платите за повеќе простор. Но, можете да ја заобиколите оваа потенцијална нова наплата со бришење големи датотеки зачувани на вашата сметка на Google за да ослободите доволно простор за да направите резервна копија од историјата на WhatsApp. Ова се однесува на некои големи фотографии и видео-датотеки на Google Drive што можеби повеќе нема да ви требаат, а кои можете да ги избришете за да ослободите повеќе простор.