Минатиот декември беше најтопол во Турција во последните 53 години. Ова го посочуваат податоците на Министерството за животна средина, урбанистичко планирање и климатски промени, цитирани од агенцијата Анадолија.
Според информациите од Генералната управа за метеорологија, просечните температури минатиот месец во поголем дел од земјава биле над просекот за сезоната. Додека просечната декемвриска температура во Турција во периодот 1991-2020 година беше 4,8 степени Целзиусови, минатиот месец беше повисока за 3,5 степени, достигнувајќи 8,3 степени Целзиусови.
Највисока температура во декември 2023 година е измерена во Синоп, Централна Турција – 27,4 степени Целзиусови, а најниска е забележана во источниот град Ван – минус 21,3 степени Целзиусови.
Просечната температура измерена во целиот регион на Мраморното Море во декември изнесуваше 10,3 степени, што е за три степени повисока од просечната температура за месецот во изминатите години.
И во егејскиот регион просечната температура минатиот месец изнесуваше 11,2 степени, додека претходните години беше 7,9 степени.
Слична беше ситуацијата и во медитеранскиот регион каде просечната температура беше 12 степени, додека претходно беше 9 степени. Највисоката температура во декември 2023 година е измерена во декември во Демре, округот Анталија – 25,9 степени.
На новогодишниот врв во Анталија температурите исто така беа над 20 степени. Многу туристи дури влегоа и во морето, изјавија за БТА бугарските граѓани кои ја дочекаа Новата година во медитеранското одморалиште.
Централна Анадолија минатиот месец забележа просечна температура од 5,5 степени Целзиусови, што е значително над просекот од 1,4 степени.