Областа на Јужна Калифорнија каде исчезна воениот хеликоптер е покриена со снег, што ги отежнува операциите за пребарување и спасување.
Американскиот воен хеликоптер CH-53E Super Stallion исчезна од радарот во вторникот над Јужна Калифорнија во Соединетите Американски Држави, а моментално има снег што ја отежнува операцијата за пребарување, пишува „CNN“. Во хеликоптерот има пет маринци, а леталото полетало од воздухопловната база во близина на Лас Вегас и се упатило кон базата во Сан Диего.
„На 6 февруари 2024 година, маринците летаа со хеликоптер CH-53E Super Stallion од воздухопловната база Крич до воздухопловната станица на Маринскиот корпус Мирамар кога беше пријавено дека авионот доцни“, рече капетан Стефани Легуизамон.
A CH-53 enroute to Miramar has gone missing, TIGER11 was seen late last in the area where search teams are now looking looking. 🙏 https://t.co/vE7Zv6zLiq pic.twitter.com/YK6cYsi5sa
— Thenewarea51 (@thenewarea51) February 7, 2024
Хеликоптерот кој исчезна од радарот се користи за транспорт на воена опрема, може да носи до 16 тони товар. Лошото време ја отежна фазата на летот и се сомнева дека тоа е една од причините за исчезнувањето од радарот.
Во операцијата за пребарување се вклучени и пожарникари од Калифорнија, ова го потврди за „CNN“ Мајк Корнет, портпарол на Cal Fire во Сан Диего. Првата пријава дојде во раните утрински часови, околу 2:20 часот, а последниот снимен сигнал од хеликоптерот е забележан во 23:30 часот, додека невремето започна околу 22 часот, само еден час порано пред последниот сигнал. .