Толку е посебно што ги привлекува фотографите и другите љубопитни луѓе кои сакаат да знаат зошто токму ова езеро се нарекува едно од најстрашните во светот, пишува Punkufer.
Одговорот е едноставен – иако езерото е природно, речиси се што доаѓа во допир со водата во него се претвора во камен.
Имено, при испарувањето на водата од ова солено езеро се таложат големи количини сол и други минерали, поради што езерото има многу висока алкалност.
Можеби мислите дека ова е ист случај како во Мртвото Море, на чија површина можете безгрижно да лебдите, но во овој случај не е така.
Кога истражувачите се осмелиле да ја измерат pH-вредноста, односно нивото на киселост или алкалност на водата, тие биле зачудени.
Резултатите би можеле да се споредат со pH-вредностите на амонијакот, така што веќе може да се претпостави дека водата не е погодна за капење, но не и за пиење, бидејќи е pH-вредност од 10,5.
За споредба, водата што ја пиеме има pH вредност која се движи од 7,3 до 7,5.
Затоа езерото Натрон се смета за еден од најопасните, но и еден од најекстремните феномени во природата.
И покрај тоа, во ова езеро може да се најдат некои живи организми.
Ова се првенствено ендемични алги, а изненадувачки факт е дека и некои видови риби живеат безгрижно во езерото.
Околу езерото кое е длабоко само 3 метри, долго 57 километри и широко 22 километри и со температура од 41 Целзиусов степен, безгрижно се шетаат и фламинго.
Таму не се случајно, но за повеќе од два милиони од нив, езерото е идеално и безбедно место за размножување, кое ги штити од несаканите предатори, но е и извор на храна.
Имено, езерото е богато со спирулина, алга со црвени пигменти со кои се хранат.
Многу птици се повредуваат бидејќи езерото е всушност голема оптичка илузија. Имено, создава кристално чист одраз, па се чини дека на местото на езерото нема ништо.