Капакот на моторот на Боинг 737-800 на американската компанија „Саутвест ерлајнс“ паднал во неделата при полетување од аеродромот во Денвер и удрил во крилото, поради што Федералната управа за авијација (ФАА) на САД покрена истрага.
Никој не е повреден на летот 3695 Southwest, а авионот безбедно се вратил на аеродромот, објави Ројтерс.
Авионот требало да лета за Хјустон, а во него имало 135 патници и шест членови на екипажот.
Боингот се искачи на височина од 3.100 метри, а потоа се врати во Денвер 25 минути по полетувањето.