Шефот на Европската народна партија (ЕПП) Манфред Вебер, испрати порака до ВМРО-ДПМНЕ од која бара да го почитува Договорот од Преспа. ЕПП важи за сестринска партија на ВМРО-ДПМНЕ.
„Раководството на ВМРО-ДПМНЕ треба целосно да ги почитува одредби на обврзувачкиот Договор од Преспа и доследно да го користи името „Северна Македонија“. Почитувањето на меѓународните договори е основен предуслов за нас како ЕПП. Во спротивно Европа не може да функционира и ЕУ нема да го прифати ова, напиша Вебер.
The @VMRO_DPMNE leadership should fully respect the binding Prespa Agreement provisions & consistently use the name “North Macedonia.” Respecting international agreements is a fundamental prerequisite for us as @EPP. Otherwise Europe can not function & the EU will not accept this
— Manfred Weber (@ManfredWeber) May 23, 2024
Дел од Европската народна партија се и ВМРО-ДПМНЕ и грчката Нова демократија, а ова е прва реакција од ЕПП по изборите во земјава.