Попладнево се урна авион кај Загреб во Јеждовец. Авионот се урнал недалеку од пистата веднаш по полетувањето.
Пожарникарите успеале да го лоцираат местото каде се урнал авионот, Цивилната заштита потврди дека едно лице загинало, а според нивната најава, во летот имало пет патници.
Според хрватските медиуми, едно тело е пронајдено под урнатините на авионот, тројца се повредени, а по едно лице наводно сè уште се трага.
-Денес, 25.05.2024 година, во 16:13 часот, од ОЦЦЗ добивме дојава за можен пад на помал авион во месноста Лучко. Екипите на ХГСС од станиците Загреб, Самобор и Карловац се веднаш испратени на терен и во моментов се на терен со другите оперативни сили на пожарникарите, полицијата и УХМР – соопштија од Хрватската планинска спасувачка служба.
Повредените се изнесуваат со хеликоптер.
➡️na teren su upućeni pripadnici
Državne intervencijske postrojbe civilne zaštite Zagreb, policija, hitna medicinska pomoć, HGSS Samobor i Zagreb te vatrogasci
➡️Na letu je bilo registrirano 5 putnika pic.twitter.com/UWgZ1AUISu— Ravnateljstvo civilne zaštite MUP-RH (@RavnateljstvoCZ) May 25, 2024
Со соопштение се огласи и хрватската полиција во кое се вели:
-Денес, 25 мај 2024 г. во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегле на терен и ја потврдиле точноста на пријавата, се пружа помош на повредените, местото на настанот е обезбедено – наведуваат од МУП.
Во интервенцијата покрај ЈВП Загреб се вклучени и ДВД Ступник и Хитна повиќ. На терен излегоа и станиците HGSS Загреб и Самобор.