Пред да има гласање за измените на Законот за организација и работа на органите на државната управа, неколку дена претходно имавме состанок на коалицијата ’Европски фронт’ во поширок состав на претседатели и други претставници на партиите, на кој бевме информирани дека има покана од владејачката ВМРО-ДПМНЕ или некаков вид на покана преку трети лица. Дискутиравме и едно од прашањата беше како понатаму, односно дали да седнеме да разговараме или да се водиме со тоа што веќе е најавено односно да продолжиме да бараме легитимитет. Се дискутираше и едногласно се стигна до ставот дека треба да се седне со ВМРО-ДПМНЕ и да се отворат сите прашања, стои во соопштението на Кренар Лога, генерален секретар на АА.
Лога: Како „Европски фронт“ ја прифативме поканата на ВМРО-ДПМНЕ да разговараме за сите важни прашања за државата
