Две лица загинаа, а три се повредени во пукотница во Брисел вечерва, соопшти локалната полиција.
Пукањето се случило на терасата на кафуле во областа во близина на железничката станица Миди, каде што еден или повеќе осомничени отвориле оган врз група луѓе.
Според првите резултати од истрагата, пукотници биле испукани од автоматска пушка.
На самото место загинале 44-годишен маж и 46-годишна жена, соопшти бриселското обвинителство.
Bruxelles : Deux morts et trois blessés dans une nouvelle fusillade à Saint-Gilles cette nuit pic.twitter.com/69vHSMUXkv
— Cpasdeslol (@cpasdeslol_X) June 27, 2024
Во нападот се повредени три лица, од кои две се хоспитализирани во критична состојба. Станува збор за двајца мажи на возраст од 42 и 49 години.
Тој градски округ е едно од жариштата на трговијата со дрога. Но, полицијата и обвинителството засега не го поврзуваат инцидентот со овој проблем.