Силно невреме ја погоди Чешка, поради што службите за итни случаи беа зафатени со работа, на музичкиот фестивал се случи хаос.
Еден 57-годишен маж починал во близина на северниот град Нимбурк, откако гранка од дрво паднала врз него пред неговата куќа во саботата вечерта, изјави портпаролот на службата за итни случаи за Си-Ен-Ен Прима њуз.
Во Прага маж е тешко повреден, а неговата партнерка е полесно повредена кога врз нив паднало дрво.
Паника избувна во шатор на музички фестивал во Јихлава, на околу 100 километри југоисточно од Прага, кога снема струја и покривот на конструкцијата почна да се тресе.
Посетителите на фестивалот исплашени се упатиле кон излезите, а во гужвата седум лица се здобиле со полесни повреди, јави агенцијата ЧТК.
Налетот на ветрот однесе два замоци во селото Радгошч во јужна Полска. Во инцидентот повредени се четири лица на возраст од 3 до 18 години, јавува новинската агенција ПАП.