Бројот на загинати во денешните израелски воздушни напади во Либан се искачи на 22, соопшти Министерството за јавно здравје.
Утринава либанскиот министер за здравство Фирас Абијад изјави за телевизијата Ал Џезира Мубашер дека од понеделникот во израелската офанзива загинале 569 луѓе, меѓу кои 50 деца, а 1.835 се ранети. Новиот број на загинати е, вклучувајќи го и денешниот 591, според Ројтерс.
Израел ги прошири своите зони на напад во вторникот навечер и за прв пат го нападна туристичкиот град Џијех јужно од Либан и Маисра, пренесува Ројтерс.
Половина милион луѓе се раселени во Либан, изјави министерот за надворешни работи Абдалах Бу Хабиб.
Израелските медиуми јавија дека двајца се тешко ранети од налетот на ракетен истрел од Либан кон северот на Израел. ;
Либанскиот Хезболах утринава истрела десетици ракети кон Израел, вклучително и проектил со долг дострел што ги активира сирените за предупредување за ракети во Тел Авив и низ централен Израел.
Тоа беше најдалекусежниот штрајк досега во конфликтите кои траат речиси една година. Израел соопшти дека проектилот бил пресретнат и нема извештаи за жртви или материјална штета.
Израел вели дека се обидува да избегне цивилни жртви и ја обвинува палестинската управа на Хамас, која владее со Газа, дека ги изложува на ризик со дејствување во густо населени станбени области.