Најмалку 20 лица се повредени денеска во судар на патнички воз и локомотива на југот на Египет , соопштија здравствените власти.
Несреќата се случила во провинцијата Миња, 270 километри јужно од Каиро, кога локомотивата удрила во задниот дел на возот кој летал за главниот град на Египет, соопшти националната железница, пренесе агенцијата АП.
По судирот, два вагони од возот паднале во блискиот поток, а причината за несреќата се истражува, се додава во соопштението. Министерството за здравство во посебно соопштение наведува дека најмалку 20 лица се префрлени во болници.
Како што потсети АП, ова е втора железничка несреќа во Египет за краток период откако во септември се судрија два патнички воза кога загинаа три лица.
За потсетување, пред неколку дена во Прага се судрија два патнички воза, а десетина лица се полесно повредени, јавуваат локалните медиуми повикувајќи се на извори од спасувачката служба.
Возовите се судрија во близина на станицата Прага-Либен, на пругата меѓу станицата Височани и главната железничка станица.
На социјалната мрежа Х (Х) веднаш по несреќата е објавено и видео на кое се гледа како итните служби ги отстрануваат последиците од судирот.
Zasahujeme u srážky dvou vlaků v Praze 8 na trati u přemostění s ulicí Čuprova. Na místě je několik zraněných. Čuprova ulice je obousměrně uzavřená. Spolupracujeme s @HasiciPraha @zzshmp pic.twitter.com/Isi9L2AExs
— Policie ČR (@PolicieCZ) September 18, 2024