Екскомуницираниот католички надбискуп и поранешен амбасадор на Ватикан во САД, Карло Марија Вигано, денеска ги повика Американците да гласаат за републиканецот Доналд Трамп, тврдејќи дека демократката Камала Харис ќе ја изгради „најсуровата диктатура“ во САД доколку биде избрана.
Во отвореното писмо до американските католици, Вигано изјави дека Трамп е „единствениот можен избор“ бидејќи „гласањето за Камала Харис е морално недозволиво и претставува многу тежок грев“.
„На овие избори треба да изберете помеѓу два радикално спротивставени начини на замислување на владата на вашата нација: повикани сте да изберете помеѓу демократија и диктатура, меѓу слобода и ропство“, напиша Вигано.