Доналд Трамп најави дека ќе воведе нови увозни царини за сите стоки од Мексико и Канада и Кина. Новоизбраниот претседател на САД на својата социјална мрежа Truth Social напиша дека на првиот ден од инаугурацијата, 20 јануари, ќе потпише извршна наредба во оваа насока.
Сите стоки од Мексико и Канада ќе подлежат на царина од 25 проценти. Одделно, на Кина ќе и биде воведена дополнителна царина од 10 отсто, покрај сегашните царини за сите стоки.
Трамп прецизираше дека тарифите ќе важат „додека дрогата, особено фентанилот и илегалните имигранти не престанат да ја поплавуваат земјата!“