Израелскиот премиер Бенјамин Нетанјаху почна да дава изјави по состанокот на неговиот безбедносен кабинет за очекуваниот договор за прекин на огнот во Либан.
Нетанјаху рече дека Израел ќе „гарантира“ дека Газа повеќе нема да претставува „закана“ и вети дека ќе ги врати жителите на северните делови на Израел безбедно во нивните домови.
Тој рече дека ова не е крај на војната, додавајќи дека нема крај на војната додека сите Израелци кои побегнаа поради ракетните истрели на Хезболах во изминатата година не се вратат во своите домови на северот на земјата.
– Војната нема да заврши додека не ги постигнеме сите наши цели – вели Нетанјаху.
„Можеме да се фокусираме на Иран“
Нетанјаху вели дека доколку Хезболах го прекрши договорот за прекин на огнот со вооружување и напад, тогаш Израел ќе одговори „многу силно“.
Премиерот на Израел вели дека постојат три главни причини зошто ова е вистинско време за договор за прекин на огнот. Тој вели дека договорот значи дека Израел може да се фокусира на „иранската закана“.
– Договорот, исто така, му дозволува на Израел да ги „освежи“ и „превооружува“ своите трупи – вели Нетанјаху, додавајќи дека „не е тајна“ дека имало „големи доцнења“ во снабдувањето со оружје.
Наскоро ќе бидеме вооружени со софистицирано оружје што ќе помогне да ги заштитиме нашите трупи и ќе ни даде уште поголема моќ да ги завршиме нашите мисии.
Третата причина, вели тој, е изолацијата на Хамас.
„Главата отсечена на змијата“
– Хамас сметаше на Хезболах да се бориме заедно и кога Хезболах ќе биде елиминиран, Хамас ќе остане сам – вели тој.
Нашиот притисок врз Хамас ќе стане посилен, а тоа ќе ни помогне … да ги вратиме заложниците – додаде премиерот на Израел.
Израелскиот лидер вели дека Хасан Насрала, „главата на змијата“ е убиен како и „сите водачи“ на Хезболах.
Ги уништивме повеќето ракети и проектили. Убивме илјадници терористи, уништивме подземна и терористичка инфраструктура во близина на нашите граници.
„Ова звучеше како фантазија“
Тој вели дека сето ова пред само три месеци „звучело како научна фантастика“, но „успеавме“.
Нетанјаху вели дека е „решен“ да ги одржува израелските војници живи и безбедни.
– Затоа вечерва ќе му претставам на кабинетот план за прекин на огнот во Либан – вели тој.
Тој вели дека Израел има „разбирање“ со САД и ќе ја задржи својата „целосна слобода да презема воени операции доколку Хезболах се обиде да не нападне“.
– Ако Хезболах се обиде да не нападне, ако се вооружи и ја обнови инфраструктурата во близина на границата – ќе нападнеме. Ако лансираат ракети, ако копаат големи тунели – ќе нападнеме.