Брачна двојка пензионери од австриската провинција Штаерска е осомничена дека 35 години го злоупотребувале Законот за развод со цел да добијат финансиски бенефиции за себе. И тоа на перфиден начин: мажење 12 пати и развод 12 пати.
Австриските медиуми пишуваат дека се започнало кога 73-годишната пензионерка денеска станала вдовица, бидејќи и починал првиот сопруг. Набргу потоа го запознала својот втор сопруг и се венчале во 1982 година.
Шест години подоцна се разведоа, но само на хартија, а продолжија да живее во заедничко домаќинство.
После тоа, повторно и повторно следеше нов брак, па развод и така сите заедно 12 пати. До пред две години, односно во 2022 година, кога Заводот за пензиско осигурување одби на жената да и исплати пензија за вдовица, која таа ја добиваше цело време, затоа што по свадбата веднаш се разделила од избраникот, за да не изгуби право на оваа пензија.
Незадоволна од одлуката на Заводот за пензиско осигурување, жената поднела жалба до надлежниот суд кој не пресудил во нејзина корист.
Таа се жалеше понатаму и понатаму, сè до Врховниот суд. Врховниот суд се посомневал во таа „променлива љубовна приказна“, па побарал помош од криминалистичката полиција.
По криминална истрага и „прошетка“ по матичните книги на венчани, како и прибирање информации од соседството, на површина исплива сомнежот „за тешка социјална измама“.
Сведоците од околината на брачната двојка немале поим дека се венчале и се разведувале цела деценија. На истражителите им било кажано дека имале „примерен брак“ и дека биле заедно со децении.
На крајот, Врховниот суд го потврди правното мислење на пониските судови и донесе одлука дека „повторените бракови и последователните разводи од ист сопруг се злоупотреба на законот, доколку бракот никогаш не бил раскинат, а разводот се случил само заради остварување на правото на пензија на вдовица“.
Осомничената двојка негира каква било злоупотреба на социјалните права и одби да даде изјави. Против секој од нив е поднесена кривична пријава во Државното обвинителство во Грац, поради сомнение за „тешка измама во економското работење“.
Според истрагата, вкупната штета на сметката на Заводот за пензиско осигурување изнесува повеќе од 326.000 евра.