Во Белград во понеделникот граѓаните застанаа 15 минути на повеќе места за да им оддадат почит на 15-те лица кои загинаа на железничката станица во Нови Сад.
Протестот симболично започна во 11 часот и 52 минути, што е време на уривање на бетонската настрешница од зградата на Железничката станица.
Неформалната група „Млади Борба“ повика на акција за стоење пред зградата на Радио и телевизија Србија (РТС).
„Рацете ви се крвави“ стана слоганот на протестите кои уследија по несреќата во Нови Сад. Фотографија направена во Белград, пред зградата на Радио и телевизија на Србија, 9 декември 2024 година.
Граѓаните ја блокираа улицата Таковска пред РТС и го прекинаа сообраќајот.
Дел од насобраните ги носеа имињата на загинатите во несреќата во Нови Сад.
Митингот помина без инциденти.
На платото пред Филозофскиот факултет во Белград излегоа и студенти и професори, со цел 15 минути да им оддадат почит на загинатите.
Петнаесет минути молчење симболизираат минута молчење за секоја од жртвите.
Пред тоа тие одржаа прес-конференција пред Филозофскиот факултет во Белград.