Голем скандал се случи во Шпанија, а во центарот на грдата приказна се најде голманот на хокеарската екипа од Жирона.
Голманката на Сан Жорди Десвалес од Џирона е уапсена за тежок прекршок, откако е откриено дека тајно ги снимала своите соиграчи под туш.
Дополнителна тежина на овој случај му дава и тоа што наводно дел од девојките од видеата се малолетни.
Имено, во декември хокеарите го пријавиле проблемот во клубот, кој реагирал и ја известил полицијата за целиот случај.
Девојките наводно истакнале дека почнале се почесто да забележуваат дека голманот го врти телефонот кон нив додека тие се туширале или се пресоблекувале, што предизвикало оправдан сомнеж.
После тоа, 33-годишната голманка негирала дека направила нешто незаконско, но полицијата решила да преземе нешто.
Една полицајка тајно била испратена во соблекувалната каде практично го фатила криминалецот на дело, што било јасен знак и причина за апсењето. Утврдено е дека во телефонот има повеќе снимки од девојките од соблекувалната.
Во оваа прилика клубот излезе со соопштение, во кое го оцени инцидентот како неприфатлив, а однесувањето на голманот беше остро осудено. Се додава дека сега ќе следи соработка со полицијата и обвинителството, така што целиот случај ќе биде истражен до крај. За целиот случај пишуваше и шпанска „Марка“.