Во дискотеката „Пулс“ каде што избувна ноќеска пожар имало деца од 14 до 20 години.
Имало деца од Скопје, Штип, Пробиштип и Кочани.
-Над 70 лица биле донесени во кочанската болница, а дел од нив веќе беа починати, а дел во моментот починуваа. Некои беа со лични карти, некои не. Има деца од Скопје, Штип, Пробиштип и Кочани, рече директорката на кочанската болница, Кристина Серафимова.
За тоа колкава е трагедијата од пожарот во изјава за медиуми даде изјава татко на едно од загинатите деца.
-Над 150 фамилии ќе страдат. Не ми треба мене веќе живот, што ќе ми е живот. Едно дете имав. Кај три часот ноќеска дознав за пожарот. Цела ноќ сум таму, не можат да ги препознаат децата беа изгорени, рече родителот на детето.