Собранието го усвои новиот Закон за енергетика, кој веќе е објавен во „Службен весник“ и ќе стапи во сила по истекот на законски предвидениот рок. Законот претставува клучен чекор кон обезбедување на чиста, праведна и одржлива енергетска иднина за земјата.
Новата правна рамка предвидува:
Поголемо учество на обновливи извори на енергија,
Подобрување на енергетската ефикасност,
Отворање на пазарот за фер конкуренција и вклучување на граѓаните како активни учесници,
Заштита на ранливите потрошувачи,
Поттик за нови домашни и странски инвестиции во секторот.
Законот е усогласен со европското законодавство и доби поддршка од Секретаријатот на Енергетската заедница, што го позиционира како стратешка основа за натамошна енергетска интеграција со Европската унија.
Од Министерството за енергетика, рударство и минерални суровини најавуваат дека реформите ќе продолжат со целосна доследност и одговорност, со фокус на достапна, стабилна и зелена енергија за сите граѓани.