Попладнево избувна пожар во парк-шума Гази Баба во Скопје. На терен интервенираат екипи од Противпожарната бригада на Град Скопје кои се обидуваат да го локализираат огнот и да спречат негово ширење кон поголеми зелени површини и населени места.
Засега нема информации за повредени лица, ниту за причината за пожарот.
Од надлежните служби апелираат до граѓаните да бидат внимателни и да не палат оган на отворено, особено во вакви екстремно топли услови.