Патниците од авион на „Туркиш ерлајнс“ беа евакуирани преку лизгалка кратко по слетувањето во крајбрежно одморалиште во јужна Турција вчера. Евакуацијата беше спроведена поради чад во слетувачкиот механизам, подвозјето на авионот што се користи за полетување, слетување и стабилно движење на земјата.
Чадот се појави додека Боингот 777, кој полета од Истанбул, таксираше на пистата на аеродромот во Анталија. Тимовите за итни интервенции препорачаа евакуација како превентивна мерка за да се обезбеди безбедноста на патниците, потврди портпаролот на авиокомпанијата Јахја Устун.
🚨TK2430 sefer sayılı İstanbul–Antalya seferini yapan
THY'nin Boeing 777 tipi uçağının Antalya'ya inişinin ardından taksi sırasında iniş takımlarında duman görülmesi üzerine yolcular slide'lar aracılığıyla tahliye edildi.#turkishairlines #antalya #tahliye pic.twitter.com/3HR7lzE7KM— Airkule (@Airkule) July 29, 2025
Тој додаде дека сите патници биле веднаш евакуирани. Не прецизираше колку патници и членови на екипажот имало во авионот. Никој не е повреден.
„Првичната инспекција на авионот покажа дека чадот доаѓа од дефект на хидраулична цевка“, рече Устун. Техничките инспекции на авионот се во тек.