Мал авион во понеделникот се урна при слетување на аеродромот во градот Калиспел, Монтана, удирајќи во неколку паркирани летала и предизвикувајќи голем пожар, соопштија властите. За среќа, во инцидентот нема сериозно повредени лица.
Авион од типот Socata TBM700N, со четворица патници, се обидувал да слета околу 14 часот по локално време, потврдија шефот на полицијата во Калиспел, Џордан Венезио, и Федералната администрација за авијација (FAA).
A small plane landing on Monday at a Montana airport crashed into parked aircraft, triggering a large fire but causing no serious injuries, authorities said.
The Socata TBM700N carrying four people was attempting to land at about 2 p.m. at the Kalispell City Airport, according… pic.twitter.com/POgJj4Tvr1— Breaking Aviation News & Videos (@aviationbrk) August 12, 2025
Прелиминарната истрага покажала дека пилотот изгубил контрола врз леталото, кое се урнало на пистата, а потоа удрило во неколку паркирани авиони, предизвикувајќи пожари на повеќе од нив. Пламенот се проширил и на тревната површина покрај пистата, но бил навреме изгаснат.
Властите најавија дека истрагата за причините на несреќата продолжува.