Украинскиот претседател Володимир Зеленски денес ќе се сретне со британскиот премиер Кир Стармер на Даунинг стрит, објави Скај њуз, повикувајќи се на британската влада.
Зеленски вчера го посети Берлин, каде што имаше средба со германскиот канцелар Фридрих Мерц, а потоа учествуваше на видеоконференција со европските лидери, генералниот секретар на НАТО Марк Руте и американскиот претседател Доналд Трамп, кој утре треба да се сретне со рускиот претседател Владимир Путин.
Трамп вчера им кажа на Зеленски и на европските лидери дека неговите цели на претстојната средба со Путин се да се постигне прекин на огнот и да се процени можноста за склучување сеопфатен мировен договор, објави „Аксиос“, повикувајќи се на извори, пренесува „Танјуг“.