Пожарот во Јажинце, кој претходно беше ставен под контрола, денеска повторно е активиран. Според првичните информации, пламените јазици повторно зафатиле дел од шумската површина, а ветерот дополнително ја отежнува работата на екипите на терен.
На лице место се присутни противпожарните служби, како и екипи на Центарот за управување со кризи и Дирекцијата за заштита и спасување, кои преземаат мерки за локализирање на огнот и заштита на имотите.
Властите апелираат до граѓаните да ја избегнуваат областа и да ги држат патиштата слободни за возилата за итна интервенција. Ситуацијата се следи внимателно.