Македонија ја очекува нестабилен период со променливо облачно време и интензивни врнежи. Под влијание на влажна и нестабилна воздушна маса од запад и северозапад, од утре (четврток, 11 септември) до понеделник (15 септември) ќе има повремени поројни дождови, грмежи и засилен ветер.
Според метеоролозите, локално се можни и поинтензивни процеси во форма на невреме со обилен пороен дожд за кратко време, силен ветер, електрични празнења и услови за појава на град.
Температури:
- Утринските ќе се движат од 12 степени во Берово до 18 во Гевгелија.
- Дневните ќе варираат од 22 степени во Маврово до 32 во Гевгелија.
Во Скопскиот регион се најавува нестабилно време со локален пороен дожд, грмежи и можност за невреме. Температурите во главниот град ќе се движат од 16 до 31 степени.
Препораки до граѓаните:
- Да избегнуваат престој на отворен простор и под осамени дрвја за време на грмежи.
- Да ги паркираат автомобилите на безбедни локации, далеку од дрвја кои би можеле да паднат од силен ветер.
Времето останува непредвидливо, па апелите на надлежните се граѓаните да бидат внимателни и навремено да се информираат за состојбата.