Кина евакуираше речиси два милиони луѓе од јужната покраина Гуангдонг, бидејќи супертајфунот Рагаса се приближува кон копното. Тој веќе го погоди Тајван, убивајќи најмалку 14 лица, а 124 се водат како исчезнати откако пукна брана на езеро.
Супертајфунот веќе предизвика хаос во делови од Азија, а меѓу погодените се Филипините и Хонг Конг. Еквивалент на ураган од категорија 5, Рагаса е најсилната бура во светот оваа година.
Супертајфунот Рагаса го погоди Хонг Конг во среда со ветрови со сила на ураган и обилни дождови, додека поројните дождови убија најмалку 14 лица во Тајван, објави Ројтерс. Во моментот на пишување на овој текст, 124 лица се водат како исчезнати.
Trees down in front of the famous Times Square shopping mall in Hong Kong after typhoon ragasa. #ragasa pic.twitter.com/KLtauztCeF
— Scott Christensen (@ScottChHK) September 24, 2025
Бариерно езеро во источниот округ Хуалиен на Тајван се прелеа, ослободувајќи околу 60 милиони тони вода и предизвикувајќи големи поплави во општината Гуангфу, округ Хуалиен во источен Тајван, објави Би-Би-Си.
Во Хонг Конг, улиците беа пусти откако властите ги повикаа граѓаните да останат во затворен простор. На источниот и јужниот брег на метрополата, брановите го поплавија крајбрежјето и делумно ги потопија патиштата покрај станбените згради.
На социјалните мрежи се појавија застрашувачки снимки од тајфунот, а една од нив покажува огромни бранови како кршат стаклени врати и влегуваат во хотел пред преплашените гости.
Кина е следна што ќе биде погодена од супертајфунот, кој досега евакуираше речиси два милиони луѓе.
Affected by typhoon Ragasa, the lobby of the Fullerton Ocean Park Hotel in Hong Kong got flooded after a gush of water broke through the entrance. pic.twitter.com/2ckf1B7z9h
— Shenzhen Pages (@ShenzhenPages) September 24, 2025
Кинеските метеоролози го нарекоа Рагаса „крал на бурите“ – за само неколку дена се очекуваат дождови колку еден месец.
Училиштата и транспортните услуги, вклучително и брзите железници, се затворени, додека летовите се откажани на најпрометните аеродроми во регионот во Гуангжу и Шенжен.
Кинеските поморски власти го прогласија највисокото ниво на црвена тревога за прв пат оваа година, прогнозирајќи бранови од бура до 2,8 метри. Градовите Гуангжу, Шенжен, Фошан и Донггуан, со население од околу 50 милиони, се наоѓаат на патот на тајфунот.
Министерството за вонредни ситуации распореди десетици илјади шатори, склопливи кревети, генератори и друга опрема за итни случаи, објавија државните медиуми.