Државната изборна комисија (ДИК) го соопшти последниот пресек на излезноста до 18:30 часот за денешниот втор круг од локалните избори во 2025 година.
Според информациите на ДИК, на половина час пред затворањето на избирачките места, излезноста на територијата на целата земја изнесува 40,45%. Од вкупно 1.013.357 избирачи, со обработени 987.174 гласачи, на гласање излегле 399.319 граѓани.
Најниска излезност е забележана во скопските општини Сарај (11,45%) и Чаир (13,7%), додека најголема е во Росоман (77,51%).