Студено утро ја разбуди земјата, со минимални температури кои на поединечни места се спуштија и под нулата. Најниски вредности од -1 степен се измерени во Маврови Анови, Лазарополе и Пожар. Нулата ја бележат Пожаране и Крушево, додека 1 степен регистрираа Крива Паланка. Температура од 2 степени имаше во Претор, Охрид, Тополчани, Куманово и Виница. Утрински 3 степени измерија Тетово, Штип, Прилеп, Берово и Скопје – Зајчев Рид, а 4 степени Битола, Велес, Кавадарци, Струмица, Демир Капија и Скопје – Петровец. Највисока минимална температура од 5 степени утрово беше забележана во Гевгелија.
Во изминатите 24 часа до 7 часот наутро, на повеќе локации беа измерени значителни врнежи. Најмногу дожд падна во Демир Капија – 40 литри на метар квадратен, следена од Радовиш со 37 и Гевгелија со 35 литри. Во Штип се измерени 28, во Струмица 19, а во Виница 16 литри. Куманово бележи 15 литри, Кавадарци и Крива Паланка по 13, Попова Шапка 12, Претор 11, а Маврови Анови и Скопје – Петровец по 10 литри. Помали количини дожд се измерени во Берово, Лазарополе, Велес, Пожаране, Битола, Тетово, Крушево, Прилеп и само 1 литар во Скопје – Зајчев Рид и Тополчани.
Според прогнозата, денеска времето ќе биде променливо облачно со сончеви периоди. На планините и во повисоките места е можно повремено провејување слаб снег. Ќе дува слаб до умерен северозападен ветер, а максималната температура ќе се движи меѓу 5 и 11 степени.
Во Скопје се очекува променливо облачно време со сончеви интервали, проследено со умерен северен ветер. Максималната дневна температура во главниот град ќе достигне до 8 степени.