Италија официјално ја започна зимската сезона со значајна промена – од 1 ноември 2025 година, заштитните кациги станаа задолжителни за сите корисници на скијачките патеки.
Ова правило важи за скијачи, сноубордери, санкачи, како и дневни посетители кои едноставно ја преминуваат границата на скијачкиот центар. Така, Италија стана првата земја во Европа што воведе универзална обврска за носење кациги за сите возрасти, со цел да се намали ризикот од сериозни повреди на главата, пишува Kurir.rs.
Што вклучуваат новите правила?
Според новата регулатива, секој мора да носи кацига што ја има ознаката CE, што гарантира дека опремата ги исполнува европските безбедносни и здравствени стандарди.
Иако според податоците од конзорциумот „Доломити Суперски“, околу 95% од скијачите веќе користеле кацига, властите одлучија таа да биде задолжителна за сите, откако во претходните години правилата постепено беа воведувани за малолетни скијачи, прво за лица под 14 години, а потоа и за лица под 18 години.
Прекршувањето на прописите може да резултира со казна до 200 евра или привремена конфискација на ски-картата до три дена. Италијанските власти нагласуваат дека информациите се дадени на сите нивоа и дека нема изговори.
Каде сега се задолжителни шлемовите за деца?
Иако ниедна друга земја сè уште не го направила ова задолжително за сите возрасти, некои европски земји бараат кациги за деца:
-Хрватска и Словенија – задолжителни кациги за деца под 14 години
-Австрија – задолжителни за лица под 15 години (во повеќето покраини: Салцбург, Штаерска…)
-Полска – задолжителни за лица под 16 години.