Портпаролот на иранското Министерство за надворешни работи го нарече конфликтот меѓу САД и Иран „нелегална војна по избор“.
Есмаил Бакаеи, во објава на социјалната мрежа X, се прашуваше дали таков конфликт може да се добие преку „одмазда против глобалната економија“.
„Дали некогаш вреди да си го отсечеш носот за да му наштетиш на друг?“, напиша тој.
Неговите коментари доаѓаат откако САД воведоа поморска блокада на бродовите што влегуваат или излегуваат од иранските пристаништа.
Американскиот претседател Доналд Трамп ја објави мерката во раните утрински часови денес, по неуспешните обиди за постигнување договор со Иран за целосно отворање на Ормутскиот теснец.
Најавата за блокадата и пропаѓањето на преговорите за време на викендот доведоа до пад на европските берзи на почетокот на неделата, додека цените на нафтата останаа високи.