Претседателката на Европската комисија Урсула фон дер Лајен пристигна во Киев, каде што најави дека ќе соопшти нови мерки за продлабочување на интеграцијата меѓу европските и украинските одбранбени индустрии, јави Ројтерс.
Во објава на социјалната мрежа Икс, фон дер Лајен наведе дека ќе претстави иницијативи за подобро поврзување на одбранбените капацитети „за да обезбедиме поголемо и побрзо производство“, објавувајќи и фотографија од своето пристигнување во украинската престолнина.
Посетата следи по учеството на фон дер Лајен и украинскиот претседател Володимир Зеленски на воената парада по повод Денот на Бастилја во Париз на 14 јули.