Од полноќ стапуваат на сила нови максимални малопродажни цени на нафтените деривати. Бензините ќе поскапат за еден денар по литар, додека кај дизелот и екстра лесното масло следува значително поевтинување.
Од 1 септември во 00:01 часот, ЕУРОСУПЕР БС-95 ќе се продава по максимална цена од 94 денари за литар, што е зголемување за еден денар во однос на досегашната цена.
Цената на ЕУРОСУПЕР БС-98 исто така се зголемува за еден денар и ќе изнесува 96 денари за литар.
За разлика од бензините, ЕУРОДИЗЕЛ БС (Д-Е V) поевтинува за 6,50 денари за литар, па новата максимална малопродажна цена ќе изнесува 95 денари за литар.
Намалување има и кај екстра лесното масло за домаќинство – ЕЛ-1, чија цена се намалува за 3,50 денари, односно ќе изнесува 97 денари за литар.
Поевтин ќе биде и мазутот М-1 НС, за кој цената се намалува за 1,166 денари за килограм и ќе изнесува 44,410 денари за килограм.
Новите максимални цени од 1 септември се:
- ЕУРОСУПЕР БС-95 – 94 денари/литaр
- ЕУРОСУПЕР БС-98 – 96 денари/литар
- ЕУРОДИЗЕЛ БС (Д-Е V) – 95 денари/литар
- Екстра лесно масло за домаќинство ЕЛ-1 – 97 денари/литар
- Мазут М-1 НС – 44,410 денари/килограм