Патник на лет на „American Airlines“ бил врзан со селотејп за своето седиште поради недолично однесување за време на летот AA618 во четвртокот вечерта.
Според полицијата на Транспортната управа на Мериленд, 67-годишниот Артур Лундин од Аризона бил фиксиран за седиштето со селотејп, додека рацете му биле врзани со пластични врски. По слетувањето на авионот, тој бил уапсен од надлежните органи.
Засега не се објавени детали за тоа што точно се случувало во авионот и што го предизвикало инцидентот.
Поради однесувањето на патникот, авионот бил пренасочен кон меѓународниот аеродром Балтимор/Вашингтон, каде што слетал околу 22:15 часот.
Федералната управа за воздухопловство на САД соопшти дека и таа го истражува случајот.