Изрекувањето на пресудите за поранешниот косовски претседател Хашим Тачи и поранешните команданти на УЧК предизвика протести и инциденти во Хаг. Поддржувачи на обвинетите се собраа на плоштадот Маливелд, каде што дојде до судири со полицијата, а според извештаите од местото, има и уапсени демонстранти.
Безбедносните мерки во Хаг беа засилени поради најавените протести, особено во близина на објектите на Специјализираните совети на Косово, каде што се водеше судскиот процес.
Het is compleet uit de hand gelopen bij het Internationaal Gerechtshof in Den Haag, waar vele Albanezen en Kosovaren zich verzamelden om steun te betuigen aan Kosovo's oud-president Hashim Thaçi. Thaçi kreeg een gevangenisstraf van 25 jaar, waarna de onrust buiten de rechtbank… pic.twitter.com/DeJ8dR5OnN
— PowNed (@PowNed) September 16, 2026
Тензиите се зголемија по објавувањето на пресудите. Хашим Тачи беше осуден на 25 години затвор, додека Кадри Весели, Реџеп Селими и Јакуп Красниќи исто така беа прогласени за виновни и добија повеќегодишни затворски казни.
Четворицата беа прогласени за виновни за воени злосторства, меѓу кои убиства, незаконско лишување од слобода, тортура и сурово постапување. Судскиот совет ги ослободи од обвиненијата поврзани со злосторства против човештвото поради недостиг на доволно докази.
На Маливелд се собраа поддржувачи на поранешните лидери на УЧК од Косово и од дијаспората. Дел од демонстрантите влегоа во конфликт со полицијата, додека безбедносните сили го обезбедуваа просторот околу местото на протестот.
AanhoudingsEenheid (Romeo’s) ingezet
— Bob van Keulen (@BobHGL) September 16, 2026
Vandaag wordt bij de Kosovo Specialist Chambers in Den Haag het vonnis uitgesproken in de zaak tegen Hashim Thaçi, Kadri Veseli, Rexhep Selimi en Jakup Krasniqi. Dat zijn de vier voormalige leiders van het Bevrijdingsleger van Kosovo.
De… pic.twitter.com/QJfI5L8H70
Протести по пресудите имаше и во Приштина, каде што беа истакнувани знамиња и симболи на УЧК. Во Хаг, пак, голем број поддржувачи го следеа изрекувањето на пресудите и изразија незадоволство од одлуката на судот.
Според Специјализираните совети на Косово, пресудата во предметот против Тачи, Весели, Селими и Красниќи беше закажана за 16 септември, а рочиштето беше јавно.