Четириесет и тригодишен жител на Битола бил пронајден починат во автосервис во градот, соопшти полицијата.
Според информациите од СВР Битола, на 28 септември во 9 часот полициски службеници извршиле увид во автосервис на улицата „Македонска Фаланга“, откако претходно било пријавено дека таму бил пронајден починат Ф.Е. (43) од Битола.
Лекар од Итната медицинска помош во Битола констатирал смрт без видливи траги на насилство.
По наредба на јавен обвинител, телото на починатиот било предадено на обдукција, која треба да ги утврди причините за смртта.