Полицијата привела 62-годишен жител на битолското село Долно Оризари, откако 21-годишник од Битола пријавил дека бил физички нападнат и дека му било заканувано со огнено оружје.
Според информациите од СВР Битола, на 28 септември во 23:40 часот полициски службеници го лишиле од слобода Љ.Д. (62) од Долно Оризари.
Приведувањето следувало по пријава од 21-годишен битолчанец, кој навел дека Љ.Д. физички го нападнал и му се заканувал со огнено оружје.
Од полицијата информираат дека по целосно расчистување и документирање на случајот ќе биде поднесен соодветен поднесок.