Полицијата во Прилеп синоќа затекнала 15-годишна малолетничка како управува автомобил без да поседува возачка дозвола.
Според информациите од полицијата, на 28 септември во 20:10 часот, на улицата „Тризла“ во Прилеп, полициски службеници сопреле патничко возило „хјундаи“ со прилепски регистарски ознаки.
При контролата било утврдено дека автомобилот го управувала 15-годишна малолетничка, која не поседувала возачка дозвола.
Малолетничката била лишена од слобода, а по целосно документирање на случајот ќе следува соодветен поднесок.