Министерот за надворешни работи Тимчо Муцунски изрази сочувство по трагичниот судир на возови во близина на Толедо, Шпанија.
Во објава на социјалните мрежи, Муцунски порача дека е длабоко потресен од несреќата и упати сочувство до шпанскиот министер за надворешни работи, шпанскиот народ и особено до семејствата што ги загубиле своите најблиски.
„Стоиме во солидарност со Шпанија во овие тешки моменти и им посакуваме брзо закрепнување на сите повредени“, напиша Муцунски.