Претседателката Гордана Сиљановска-Давкова преку објава на социјалната мрежа Икс изрази сочувство до семејствата на загинатите во железничката несреќа во шпанската покраина Толедо.
„Длабоко сум натажена од трагичниот судир на возови во шпанската покраина Толедо. Изразувам искрено сочувство до семејствата на оние што ги загубија животите“, напиша Сиљановска-Давкова.
Таа им посака брзо и целосно закрепнување на повредените и упати порака на солидарност до шпанскиот народ.
„Нашите мисли се со народот на Шпанија во овие тешки моменти“, порача претседателката, означувајќи го во објавата официјалниот профил на шпанското кралско семејство.