Граѓани од Битола од утрово чекаат пред експозитурите на „Алта банка“, барајќи да ги подигнат своите пари и пензии. Пред влезот во една од експозитурите се собрани повеќе граѓани, што може да се види и на фотографијата која ја направивме утрово.
„Не сакаме уште еден ТАТ, дајте ни ги парите и пензиите!“ е пораката на граѓаните кои бараат пристап до своите средства.
Со споменувањето на ТАТ, тие го изразуваат стравот за своите заштеди и неизвесноста околу располагањето со парите.
Нивното барање е да можат да ги подигнат средствата што ги имаат на сметките, вклучително и пензиите.