Деветнаесет пожарникари со седум противпожарни возила синоќа се бореле со огнената стихија во скопската населба Жданец, каде што избувнал пожар во барака со површина од околу 80 квадратни метри.
Според информациите од Центарот за управување со кризи (ЦУК), пожарот избувнал во текот на ноќта во населбата која се наоѓа во Општина Карпош.
На терен интервенирале 19 пожарникари од скопската противпожарна бригада, со седум противпожарни возила. Интервенцијата траела речиси два часа, од 23:35 до 1:30 часот по полноќ.
Засега не се соопштуваат причините за избувнувањето на пожарот. Нема ниту информации дали има повредени лица и колкава материјална штета е предизвикана.