Случајот со насилството врз 26-годишната девојка во Охрид предизвика реакции и во Владата. Портпаролката на Владата, Марија Митева, јавно го осуди нападот и побара Јавното обвинителство итно да постапи, без одолговлекување, и целосно да го расчисти случајот.
Во објава на социјалните мрежи, Митева порача дека за насилството нема оправдување и дека институциите мора да обезбедат правда.
„Остро и недвосмислено го осудувам насилството врз младата девојка во Охрид. Очекувам Јавното обвинителство да дејствува итно, без одолговлекување! Случајот мора целосно да се расчисти и да има правда!“, напиша Митева.
Таа нагласи дека насилството не смее да биде премолчувано или релативизирано.
„Насилството е недозволиво, нема оправдување, ниту смее да има премолчување или релативизирање!“, порача владината портпаролка.