Свет

Голема акција против наркокриминалот во Германија: Уапсени 15 лица, запленети над 100 килограми дрога

Голема акција против наркокриминалот во Германија: Уапсени 15 лица, запленети над 100 килограми дрога

Германската полиција уапси 15 лица во голема акција за разбивање криминална група осомничена за трговија со дрога на подрачјето на Баварија. Запленети се повеќе од 100 килограми наркотични средства, над 100.000 евра во готовина, вредни предмети и два автомобила.

Полициската операција била спроведена на 12 ноември на подрачјето на Аугсбург, Минхен и Фирстенфелдбрук, по обемна истрага за трговија и дистрибуција на поголеми количества дрога.

Меѓу уапсените се 13 мажи и две жени на возраст од 20 до 38 години, со германско, хрватско, босанскохерцеговско и авганистанско државјанство.

Во акцијата учествувале повеќе единици на криминалистичката полиција, кои извршиле претреси на бројни локации.

Според германските медиуми, полицијата запленила нешто помалку од десет килограми кокаин, повеќе од десет килограми амфетамин и неколку десетици килограми производи од канабис. Дел од дрогата бил запленет и во текот на претходната истрага.

На сите 15 осомничени им е одреден истражен притвор, а германските власти засега не ги откриваат нивните идентитети ниту поединечните улоги во осомничената криминална група.

Истрагата продолжува, а полицијата ги анализира запленетите предмети и обезбедените докази.

Ноќно студио

Најнова епизода

Продажба или стечај за Алта банка? Ноќно студио со Славко Лазовски 12.11.2026

Сите епизоди →
Имате вест, приказна или проблем? Пишете ни