ВМРО-ДПМНЕ го обвинува премиерот Заев дека го уништил правниот систем и дека на секаков можен начин, преку уцена, закани и поткуп вршел притисок врз судството. Димче Арсовски од оваа партија вели дека Заев ја поткупувал екс специјалната обвинителка Јанева.
Но премиерот Заев во интервју за РСЕ рече дека не знаел ништо за случајот Рекет, бидејќи како што вели не е автократ за да ги контролира сите процеси во државата. Таков случај доколку се случел во времето на Груевски никогаш не би испливал на површина, рече Заев.
Инаку рочиштето за случајот Рекет е закажано за 3 декември, а истото ќе го води судијката Васка Николовска Масевска. Обвинети се Бојан Јовановски Боки 13, екс специјалната обвинителка, Катица Јанева и Зоран Милевски Кичеец.