Apple веќе продава iPhone-и кои се потпираат исклучиво на eSIM на 12 пазари низ целиот свет, вклучувајќи ги САД, Јапонија, Мексико и Саудиска Арабија. Според нова гласина, Европа би можела да се придружи на таа листа со доаѓањето на серијата iPhone 18.
Нов извештај од Techmaniacs тврди дека Apple се подготвува да го елиминира слотот за физичка SIM картичка во Европа со лансирањето на моделите iPhone 18 Pro и 18 Pro Max оваа есен, објавува GSMArena.
Поделено лансирање и поголема батерија
Се очекува Apple да го подели лансирањето на серијата iPhone 18 на два дела, при што се очекува моделите Pro да пристигнат на нивниот вообичаен датум на лансирање во септември.
Се вели дека стандардниот iPhone 18 и наследникот на iPhone Air ќе бидат лансирани подоцна, на почетокот на 2027 година. Во извештајот се додава и дека преминот кон eSIM би можел да ослободи простор за поголема батерија, при што се очекува iPhone 18 Pro Max да има капацитет на батеријата помеѓу 5100 и 5200 mAh.