Александар Василевски, познат под прекарот „Нинџа“, доставил 115 аудио снимки во обвинителството за организиран криминал, како доказ за настаните од 27 април и упадот во Собранието.
Во судницата денеска рече дека ги доставил и ги предложи како докази. Ивана Трајчевска која го водеше случајот истакнала дека не е запознаена со оваа ситуација.
„Ние немаме сознанија конкретно за какви снимки станува збор, односно станува збор за службена тајна, тие се предадени во обвинителството и сметаме дека обвинителството треба да ги предаде до судот“, рече Трајчевска.
Василевски во изјава за новинарите потврди дека поднел снимки, и сега очекува Судот да ги преслуша, но бараше јавноста да не биде присутна кога ќе бидат слушани тие снимки.
Судењето за „крвавиот четврток“ продолжува во четврток.
