Од политичката партија Алтернатива за Сител утрово истакнале дека немаат проблем со влез на нови партии во владиното мнозинство но само ако СДСМ и ДУИ отстапат од своите ресори.
„Ако му веруваме, а јас не би сакал да не им верувам, на Премиерот и на претседателот на Алијансата за Албанците дека во петок разговарале за интеграцискиот процес и за борбата против корупцијата, мислам дека се уште нема никаков друг контекст за припојување на Алијансата кон владиното мнозинство“, велат од таму.
Според нив мнозинството е истото што било и во минатата година кога Алтернатива се приклучила во Владата.
„Затоа не гледам која би била причината за влез на некоја друга партија во владата. Единствена измена е стравот на ДУИ ќе може да остане без огнените пратеници. Во тој случај ДУИ ќе бара некоја резервна гума, а дали Алијанса ќе прифати да биде тој елемент, тоа е нивна одлука. Секако, за Алтернатива е важно да продолжи интеграцискиот процес, да се реализира нашиот политички договор со СДСМ и за нас не менува ништо ако ДУИ или СДСМ сакаат да отстапат место за некоја друга партија. Тоа ќе биде нивна одлука“, велат од Алтернатива за Сител.