Амбасадата на САД во Северна Македонија преку објава на социјалната мрежа Х (поранешен Твитер) реагираше по повод случајот во Германија, каде што еден Авганистанец, кому претходно му било одбиено барањето за азил, избодел двегодишно дете и возрасен во парк.
„Тоа лице требаше да биде вратено во Авганистан откако му беше одбиено барањето. Не недостасуваше сочувство. Недостасуваше спроведување на законот“, стои во објавата.
Од Амбасадата упатуваат јасен апел до европските влади дека мора да ги заштитат своите граѓани, нагласувајќи ја важноста на доследно применување на законските процедури во миграциските и безбедносните политики.
MK: Еден Авганистанец, кому му беше одбиено барањето за азил, избоде двегодишно дете и возрасен во еден парк во Германија. Тој требаше да биде вратен во Авганистан откако му беше одбиено барањето. Не недостасуваше сочувство. Недостасуваше спроведувањето на законот. Европските… pic.twitter.com/xS3X57PWis
— U.S. Embassy North Macedonia (@USEmbassySkopje) July 1, 2025