Американската амбасадорка во земјава, Анџела Агелер, денеска го посети Кочани за да изрази солидарност и поддршка за градот и граѓаните по големиот пожар што се случи во фабриката „Макпрогрес“. Таа оствари средби со повеќе претставници од локалната заедница кои имале клучна улога во справувањето со последиците од несреќата.
„Духот на Кочани блеска низ неговите луѓе“, напиша амбасадорката во објава на социјалните мрежи по посетата.
За време на престојот во градот, таа се сретна со студенти, членови на здружението „Support Kocani“, локални пожарникари, претставници на Црвениот крст и други граѓани кои дале свој придонес по избувнувањето на пожарот.
Амбасадорката Агелер им оддаде признание на сите за нивната пожртвуваност и храброст и упати силна порака за поддршка.
„Бев благодарна што се сретнав со сите оние кои одиграа витална улога по пожарот. Стоиме со вас“, порача амбасадорката, завршувајќи ја својата објава со хаштагот #KocaniStrong.
The spirit of Kocani shines through its people. I was grateful to meet students, members of the “Support Kocani” association, local firefighters, Red Cross representatives, and others who played vital roles in the aftermath of the fire. We stand with you. #KocaniStrong pic.twitter.com/NDCW38N638
— Ambassador Angela Aggeler (@USAmbNMacedonia) September 10, 2025
Читај и ова:
- 1.ФОТО Пожар во Илинден – огнот се приближува до куќите
- 2.Кривична пријава против самостоен инспектор од СВР Битола – оддавал службени тајни
- 3.Полскиот премиер: Најблиску сме до војна од Втората светска војна
- 4.Руски дрон погоди станбена зграда во Полска, објавија локалните медиуми
- 5.Дневен хороскоп за среда, 10-ти септември 2025 година!
